Öb 10 – oder Elfmeter,
hett’s Euch nid au dunkt:
d’Schwiizer stolpere
übere Penalty-Punkt.
Die ganzi Wält macht au es Gschyss
um dä Punkt, wo, rund und wyss,
dient - es wüsses jung und alti -
als Abschussbasis für Penalty.
Uf Bilder – überall - do gsehter
vom Goal zum Punkt sys just elf Meter!
Im neue Wankdorf – Stade de Suisse
hingäge nur 10 Meter sys!
Im Prunkbau het me drum vergässe
d’Distanz vom Goal zum Punkt z’vermässe!
Das het d’Schwiizer ruiniert,
denn die hei doch gäng dört trainiert!
Wo si a’r WM drum hei müesse
plötzlich zum Penaltyschiesse,
tuet ne s’Goal vo’r Ukraine
schaurig wyt ewägg erschiine!
So sy si mit de Närve düre
und bringe chuum ei Ball dört vüre,
und es het eim würklech dunkt,
die stolpere übere Penaltypunkt
und schpile – so tüe mir’s erläbe -
jo fasch nur drüber und drnäbe.