Statt e Gring e Monolith:
Narr` de Plaasch! S`isch EXPO-Zyt!
Nach Chaos, Flaute und Intriige,
schiint die EXPO doch no z‘ schtiige,
a drüüne See‘e, das isch gwaltig,
git’s e neui Ufergschtaltig.
Mi verbout dört d’Promenade
mit Metall- und Holzfassade.
Es cheibe Gschtürm nimmt überhand,
um die Objekt am EXPO - Strand
für paar isch’s Kunscht, für paar e Schand .
s’syg schad ums Gäld, s’syg schad um’s Land
und au dr Kaspar Villiger,
hätt’s ganze gärn chly billiger.
Au z’Soledurn, do git’s paar Stare,
wo finde s‘ Ufer vo dr Aare,
syg zweni gnutzt a schöne Täg,
drum bruuchi’s dört en Art e Stäg!
E Gruppe, die isch strikt drgäge,
es bruucht ke Stäg, es bruucht e Stäge.
Au do nimmt’s Gschtürm gly überhand,
um die Objekt am Aarestrand.
Öb EXPO-Gländ, öb a dr Aare
s’git halt überall no Naare
comme tü wö, nimm’s wie du maasch
und freu di a üsne Narr‘ de Plaasch!!!