sit achtzg Johr trummle mir mit Speuz !
S‘ letscht Johr sy mir - chunnsch no druus -
gsi e chly dr Zyt voruus:
Mit Rock Barock und Monolith,
hei gnoh voruus mir d’EXPO-Zyt!
Drum hei mir hür es Sujet gno,
wo jede jetz tuet nochecho!
E Rüschtig, statt e Waggis-Chutte,
statt Chrage nur e Hals, e blutte,
Leggins a statt Knickebocker
churzi Hose drüber, locker,
a de Füess ke Zoggeli!
Das isch dr Züghuusjoggeli!
Das grosse Vorbild vo vill Naarre,
wo mit Sprüch nid öppe spare
und jedi Glägeheit benütze
für Spott und au chly Hohn z’versprütze,
ruesset hür in grosser Masse
dur d’Soledurner Altstadtgasse.
‘s heig schiints gäh so Doggeli,
wo bhauptet hei, dr Joggeli,
syg alt und chraftlos jetz efang
und göi nümm uf sy Stadtrundgang!
„Eines Bessern“ sy die jetz belehrt!
Gäll Joggeli, mir hei üs gwehrt!
Die Figur hett gäng no drive:
Züghuusjoggeli is still alive!