Globilisierung isch dr Hit, drum rüeffe die Junge: Nimmmimit !
Sibe Globi regiere z’Bärn,
doch vo dene sibe,
sy nach de letzte Wahle
nume sächs no übrig blibe!
Sächs Globi sitze i dr Tinte,
und das ziemlich teuf,
doch eine schrybt mit Bleistift,
do blybe nur no feuf!
Feuf Globi diskutiere
gheimi Sache bim ne Bier,
dr eint’ lütet dr SZ a,
drum sy’s jetz nur no vier!
Vier Globi chnoble,
mache higgi, häggi, hü,
wär als Pfand nach Dütschland muess,
drum blybe nur no drü!
Drü Globi mache bi’r Armee
jetz viles neu.
Eine schlüüft i Tarnazug,
drum gseht me nur no zweu!
Zweu Globi füehre ne Prozäss,
wo si gwünne wei,
doch eine fahrt i d’Ferie
und loht dise ganz elei!
Ei Globi wott’s das Johr
wider mol lo krache
drumm chunnt är mit de Tamboure
hür cho Fasnacht mache!